17.09c
Երեվան
չրք, մրտ 12
Բարգաւաճ Հայաստան կուսակցութեան առաջնորդ, գործարար Գագիկ Ծառուկեան հաղորդագրութիւն տարածած է, ուր իր անհանգստութիւնը յայտնած է Հայաստանի մէջ հակառուսական տրամադրութիւններու հրահրման միտումներէն։
«Որքան էլ դրանք լինեն արհեստական եւ ուղղորդուող, միեւնոյնն է, դրանք պարունակում են ահռելի ռիսկեր` մեր պետութեան, ազգային անվտանգութեան եւ մեր ժողովրդի համար։ Անկայուն եւ բարիկադաւորուած (պատնէշաւորուած) աշխարհի այսօրուայ պայմաններում սա ուղղակի արկածախնդրութիւն է, որի միակ շահառուն հակառակորդն է»,– ըսուած է հաղորդագրութեան մէջ։
Ծառուկեանի դիտարկմամբ` Հայաստանը կրնայ եւ պէտք է ունենայ բարիդրացիական յարաբերութիւններ այլ տէրութիւններու հետ, զարգացնէ միջպետական յարաբերութիւններ, բայց այդ չի կրնար ըլլալ ընդդէմ եւ ի հակակշիռ հայ-ռուսական յարաբերութիւններու։
Նշենք, որ ԱՄՆ Ներկայացուցիչներու պալատի խօսնակ Նենսի Փելոսիի` ՀՀ այցի ժամանակ`18 սեպտեմբերին, Երեւանի մէջ բողոքի ցոյց կազմակերպուած էր։ Հաւաքուածները ՀՀ իշխանութիւններէն պահանջած էին դուրս գալ ՀԱՊԿ–էն։
