33.09c
Երեվան
հնգ, օգս 20
Իսրայէլի պաշտպանութեան նախարար Իսրայէլ Քաց յայտարարած է, որ Թուրքիոյ նախագահ Ռեճէպ Թայէպ Էրտողան իր երկիրը կը ներքաշէ Սուրիոյ մէջ «վտանգաւոր արկածախնդրութիւններու» մէջ։ Այս մասին ան գրած է X ընկերային հարթակին վրայ։
«Էրտողան Թուրքիան Սուրիոյ մէջ վտանգաւոր արկածախնդրութիւններու նէջ կը ներքաշէ։ Իսրայէլ որեւէ մէկուն պիտի չարտօնէ սպառնալ իր անվտանգութեան»,– գրած է Քաց։
«Աւելի լաւ պիտի ըլլայ, որ Էրտողան Թուրքիոյ խորհրդարանէն ներս շարունակէ իրականութենէն կտրուած, երեւակայական հռետորաբանութիւնը Իսրայէլի դէմ, քան փորձէ ստուգել Իսրայէլի ինքնապաշտպանուելու վճռականութիւնը»,– աւելցուցած է ան։
Իր հերթին, Իսրայէլի վարչապետ Բենիամին Նաթանիահու յայտարարած է, որ երկիրը պիտի չհանդուրժէ Սուրիոյ մէջ թրքական ռազմական ներկայութիւն, որ կը սպառնայ Իսրայէլին։
Օգոստոս 18-ին Իսրայէլ օդային հարուածներ հասցուցած էր Սուրիոյ Իտլիպ նահանգին մէջ գտնուող ռազմական օդակայաններէն մէկուն։ Օգոստոսի 19-ին Նաթանիահուի գրասենեակը յայտարարած էր, որ Սուրիան մօտ եղած է անվտանգութեան ոլորտին մէջ Իսրայէլի հետ «սթաթուս քո»ի խախտման՝ թոյլ տալով թրքական զօրքերու տեղակայումը երկրի հիւսիսը գտնուող օդակայանին մէջ։
