7.12c
Երեվան
չրք, ապր 15
Ռուսիան վերացուցած է ցամաքային սահմանով ՀՀ քաղաքացիներուն մուտքի բոլոր սահմանափակումները, ինչ որ պիտի նպաստէ զբօսաշրջութեան եւ տնտեսական կապերու զարգացման: Այս մասին յայտնած է Ռուսիոյ վարչապետ Միխայիլ Միշուսթինը Մինսքի մէջ ՀՀ վարչապետ Նիկոլ Փաշինեանի հետ հանդիպման ընթացքին:
«Կառավարութեան որոշման համաձայն` հանուած են ՀՀ քաղաքացիներու` ցամաքային ճանապարհով Ռուսիոյ տարածք մուտքի բոլոր սահմանափակումները: Մենք կ'ակնկալենք, որ յառաջիկային զբօսաշրջային հոսքերը կը վերականգնուին, եւ այդ շատ կարեւոր է Հայաստանի ու Ռուսիոյ բնակիչներուն համար», նշած է Միշուսթինը:
Ռուսիոյ վարչապետը նաեւ ընդգծած է, որ ռուսական կողմը առաջնահերթութիւն կու տայ Անդրկովկասի մէջ տնտեսական եւ ճանապարհային կապերու ապաշրջափակման:
«Փոխվարչապետերու նախագահութեամբ եռակողմ աշխատանքային խումբի շրջանակներուն մէջ աշխուժօրէն կ'իրականացուին գործնական աշխատանքներ: Հերթական հանդիպումը կայացած է Սան Փեթերպուրկի տնտեսական համագումարին ժամանակ», նշած է Միշուսթինը:
