7.09c
Երեվան
հնգ, նմբ 21
Microsoft Corporation-ի հիմնադիր Պիլ Կէյթսը վերջերս 50 միլիոն տոլար նուիրաբերած է ոչ առեւտրային կազմակերպութեան, որ կ՚աջակցի ԱՄՆ դեմոկրատ թեկնածու Քամալա Հարիսի նախընտրական քարոզարշաւին, գրած է New York Times-ը՝ վկայակոչելով երեք աղբիւրներ։
Ինչպէս նշած է հրատարակութիւնը, նուիրատւութիւնը գաղտնի կատարուած է։ Նշուած է, որ Կէյթսն իր նուիրատւութիւնն ըրած է ոչ առեւտրային Future Forward կազմակերպութեան՝ Հարիսին աջակցող արտաքին դրամահաւաքի հիմնական խումբին: Այս կազմակերպութիւնը չի հրապարակեր իր նուիրատուներու անունները:
«Պիլ Կէյթսը մասնաւոր զրոյցի ընթացքին ըսած է, որ վերջերս 50 միլիոն տոլար նուիրաբերած է ոչ առեւտրային կազմակերպութեան, որ կ՚աջակցի փոխնախագահ Քամալա Հարիսի նախագահական արշաւին», - հրապարակման յայտնած են այդ մասին տեղեակ երեք աղբիւրներ:
ԱՄՆ նախագահական ընտրութիւնները տեղի պիտի ունենան նոյեմբեր 5-ին։ Դեմոկրատական կուսակցութիւնը պիտի ներկայացնէ փոխնախագահ Հարիսը, իսկ Հանրապետական կուսակցութիւնը՝ նախկին նախագահ Տանըլտ Թրամփը։
