11.09c
Երեվան
շբթ, մյս 16
Ռուս ականաւոր պատմաբան, Ռուսաստանի գիտութիւններու ակադեմիայի ընդհանուր պատմութեան հիմնարկի գիտական տնօրէն, ակադեմիկոս Ալեքսանտր Չուպարյենը Ռուսաստանի Դաշնութեան Նախագահ Վլատիմիր Փութինի հրամանագրով պարգեւատրուած է «Հայրենիքին առջեւ վաստակի համար» առաջին աստիճանի շքանշանով:
Ըստ հրամանագրին, որը Կիրակի օր հրապարակուած էր իրաւական տեղեկատուութեան պաշտօնական հարթակին վրայ, Չուպարեան պարգեւատրուած է պատմական գիտութեան զարգացման գործին մէջ նշանակալի աւանդին եւ երկար տարիներու բեղմնաւոր աշխատանքին համար:
Ալեքսանտր Օհանովի Չուպարեան ծնած է 4 Հոկտեմբեր 1931-ին, Մոսկուայի մէջ: 1955 թուականին աւարտած է Մոսկուայի Լոմոնոսովի անուան պետական համալսարանի պատմութեան բաժինը: Պատմական գիտութիւններու դոկտոր է (1971): 1994-ին ընտրուած է թղթակից անդամ, 2000-ին՝ Ռուսաստանի գիտութիւններու ակադեմիայի ակադեմիկոս: 1988-2015 թուականներուն աշխատած է որպէս ընդհանուր պատմութեան հիմնարկի տնօրէն, այնուհետեւ զբաղեցուցած է ռազմական հետազօտութիւններու հիմարկի գիտական տնօրէնի պաշտօնը:
