17.09c
Երեվան
չրք, սպտ 18
Ժողովը նաեւ ընդգծեց ընտրական օրէնքին խոցելիութիւնը, յատկապէս միջհամայնքային ճիշդ ներկայացուածութեան ընտրութիւնը խոչընդոտող հանգամանքները եւ անհրաժեշտ նկատեց համայնքներու իրողական պատկերի արտացոլացումը ապահովող օրէնքի մշակումը:
Նկատի ունենալով երկրին դիմագրաւած վտանգներն ու բազմապիսի դժուարութիւնները, հայ քաղաքական կուսակցութիւններու ներկայացուցիչները վերընդգծեցին ներհամայնքային միասնականութեան պահպանման հրամայականը եւ անոր ընդառաջ միացեալ խորհրդակցութիւններ ունենալու եւ աշխատանքներ ծաւալելու անհրաժեշտութիւնը:
Պէյրութի «Ազդակ»էն կը կարդանք՝
Հայ քաղաքական կուսակցութիւններու ներկայացուցիչներուն հերթական նիստը գումարուեցաւ հինգշաբթի, 12 սեպտեմբեր 2024-ին, «Թէքէեան» կեդրոնին մէջ:
Ժողովականները նախ քննարկեցին շրջանային իրադարձութիւնները, յատկապէս Կազայի պատերազմի շարունակութիւնը, զինադուլի կարելիութիւնները եւ այդ բոլորին Լիբանանի վրայ ունեցած եւ ունենալիք ազդեցութիւնները:
Ներկաները յատուկ ուշադրութիւն կեդրոնացուցին Լիբանանի դէմ ուղղուող սպառնալիքներու նոր թափին վրայ: Լուսարձակի տակ առնուեցան այս առումով լիբանանեան կեցուածքները եւ ներլիբանանեան վերջին իրադրութիւնները:
Այս առումով եւ հեռանկարային դրուածքով խօսուեցաւ Լիբանանի նախագահական ընտրութիւններու կայացման նպատակով նոր նախաձեռնութիւններուն եւ անոնց դիմաց տիրող անորոշութեան մասին:
Ժողովը նաեւ ընդգծեց ընտրական օրէնքին խոցելիութիւնը, յատկապէս միջհամայնքային ճիշդ ներկայացուածութեան ընտրութիւնը խոչընդոտող հանգամանքները եւ անհրաժեշտ նկատեց համայնքներու իրողական պատկերի արտացոլացումը ապահովող օրէնքի մշակումը:
Նկատի ունենալով երկրին դիմագրաւած վտանգներն ու բազմապիսի դժուարութիւնները, հայ քաղաքական կուսակցութիւններու ներկայացուցիչները վերընդգծեցին ներհամայնքային միասնականութեան պահպանման հրամայականը եւ անոր ընդառաջ միացեալ խորհրդակցութիւններ ունենալու եւ աշխատանքներ ծաւալելու անհրաժեշտութիւնը:
