24.09c
Երեվան
շբթ, հնս 28
Փետրուար 10-ին Լոս Անճելըսի մէջ կեանքէն հեռացած է սփիւռքահայ բեմադրիչ, երգահան, դերասան, բանաստեղծ, նկարիչ եւ սենարիստ Սարքի (Սարգիս) Մուրատեանը: Ծնած էր 1931-ին Պէյրութի մէջ:
Յաճախած է Պէյրութի Սուրբ Նշան եկեղեցւոյ նախակրթարան դպրոցը, այնուհետեւ` ֆրանսական քոլէճը: 16-17 տարեկան հասակէն նուագախումբունեցած է, նուագած է համայնքային միջոցառումներու: 1946-ին թողարկուած է անոր առաջին ձայնասկաւառակը` «Սիրեցի Քեզ» եւ «Մոռացար Զիս» երգերով: 1952-ին Մուրատեանը Պէյրութի երաժշտանոցի յայտարարած պարեղանակներու մրցոյթին գրաւած է առաջին տեղը` իր գրած մամպոյի երաժշտութեամբ եւ իրաւունք ստացած է ուսանողական փոխանակման ծրագրով մեկնելու ԱՄՆ:
Ուսանած է նախ Պոսթոնի երաժշտանոցը, ապա 1961-1964 թուականներուն` Լոս Անճելըսի թատերարուեստի, ֆիլմի եւ հեռատեսիլի ակադեմիան: Լոս Անճելեսի մէջ 1963-1973 թուականներուն ղեկավարած է «Հայ Թոնզ» նուագախումբը: 1967-ին անոր ջանքերով բացուած է Լոս Անճելըսի առաջին հայկական հեռուստածրագիրը, իսկ 1968-էն ղեկավարած է «Հայկական ռատիօժամը»:
Իր բանաստեղծութիւններու հիման վրայ Սարքի Մուրատեանը գրած է 150-է աւելի երգ, ձայնագրած է` 60-է աւելի երգ, որոնցմէ ամէնէն տարածուածը՝ Մանուէլ Մենենկիչեանի կատարումով հնչող «Երջանկութեան Արցունքներ»ն է: 1978-ին Նիւ Եօրքի երգի համաշխարհային փառատօնում «լիբանանէ երգի համար արժանացել է յատուկ մրցանակի: Բաղդոյի դերով նկարահանուել է «արիւնապարտըէ հայկական ֆիլմում (ԱՄՆ, 1964): Մուրատեանի բեմադրած ֆիլմերու շարքին են՝ «Պաղտասար Աղբար» (1960), «Սասունի Զաւակները» (1973), «Երջանկութեան Արցունքները» (1973), «Սիրոյ Խոստումը» (1978) եւ «Մուսա Լերան Քառասուն Օրերը» (1982):
2016-ին պարգեւատրուած է ՀՀ Մշակոյթի նախարարութեան ոսկէ մեդալով:
Սարքի Մուրատեանի որդին է երգիչ Քեվըն Ճորճ Մուրատեանը, որը 1989-ին Երեւանի մէջ հանդէս եկած է համերգներով, կատարել նաեւ հօր «Իմ Հայաստան» երգը:
