17.09c
Երեվան
չրք, ապր 29
12 նոյեմբերի ժամը 18:00-ի սահմաներուն, ոստիկանութեան Ասկերանի շրջանային բաժինը հաղորդում ստացուած է, որ Խրամորթ գիւղի վարչական տարածքին մէջ ատրպէյճանական մարտական դիրքէն հրաձգային զինատեսակներէն կրակոցներ արձակուած են դաշտը քարշիչով (տրակտորով) աշխատող քաղաքացիական անձերու ուղղութեամբ: Այս մասին յայտնած են Արցախի ներքին գործոց նախարարութեան ոստիկանութենէն:
Դէպքի վայր մեկնած շրջանային բաժնի ծառայողները պարզած են, որ նոյն օրը ժամը 16:30-ի սահմաններուն, Խրամորթ գիւղի բնակիչներ` 27-ամեայ Ս.Վանեանը եւ 45-ամեայ Ա. Հայրապետեանը նշուած գիւղի վարչական տարածքի «100 հեկտար» կոչուող տեղանքին մէջ, «Տ-150» մակնիշի քարշիչով գիւղատնտեսական աշխատանքներ իրականացուցած ատեն, մերձակայ տարածքը տեղակայուած ատրպէյճանական մարտական դիրքէն անոնց ուղղութեամբ կրակ արձակուած է ։
Կրակոցներէն ջարդուած է քարշիչի դէմի եւ ետեւի հողմապակիները, որոնց կտորները դպած են Ա. Հայրապետեանի դէմքին`պատճառելով մարմնական վնասուածքներ:
Վերջինս տեղափոխուած է հանրապետական բժշկական կեդրոն։
Նիւթերը տրամադրուած են ռուսական խաղաղապահ զօրակազմին։
Ստուգմամբ կը զբաղի ոստիկանութեան Ասկերանի շրջանային բաժինը։
