Իրաքի վարչապետին դէմ մահափորձ եւ դատապարտման մեծ ալիք

Իրաքի վարչապետին դէմ մահափորձ եւ դատապարտման մեծ ալիք

 Իրաքի վարչապետ Մուսթաֆա Ալ Քազէմիի դէմ եղած մահափորձը դատապարտման մեծ ալիք ստեղծած է։

 Այս մասին տեղեկութիւնը տուած են արաբական աղբիւրներ։

 

 Կը նշուի, որ Արաբական Լիկայի կողքին վարչապետ Քազէմիին դէմ եղած մահափորձը նոյնպէս դատապարտած են Իրանի, Սէուտական Արաբիոյ, Յորդանանի, Քուէթի, Պահրէյնի, Արաբական Միացեալ Էմիրութեանց, ինչպէս նաեւ Լիբանանի պատասխանատուներ եւ կոչ ըրած համընդհանուր տիալոկի։

 «Արեւելք»ի ընթերցողներուն յիշեցնենք, որ մահափորձը եղած է անօդաչու սարքերու միջոցաւ եւ մինչեւ այս պահը ոչ մէկ կողմ ստանձնած է եղածին պատասխանատւութիւնը։

 Իրաքեան քաղաքական թատերաբեմը նոր լարուածութեանց թատերաբերմ դարձաւ խորհրդարանական ընտրութիւններու արդիւնքներուն դէմ ընթացք առած բողոքի ալիքէն ետք։