Իրան արագացուցած է իր միջուկային ծրագիրը եւ մօտ է միջուկային զէնքի ստեղծման: Այս մասին Քոլորատոյի մէջ Aspen Security Forum-ին յայտարարած է Միացեալ Նահանգներու արտաքին գործոց նախարար Էնթընի Պլինքըն:
«Վերջին շաբաթներու եւ ամիսներու ընթացքին մենք տեսանք, որ Իրան իսկապէս առաջընթաց գրանցած է տրոհուող նիւթի մշակման գործին մէջ, որ կրնայ օգտագործուիլ որպէս վառելիք միջուկային զէնքի համար»,-ըսած է Պլինքըն:
Միեւնոյն ժամանակ Պլինքըն մեղադրած է Միացեալ Նահանգներու նախկին նախագահ Տանըլտ Թրամփի վարչակազմը 2018-ին Իրանի հետ միջուկային համաձայնագիրէն դուրս ելլելու համար:
Անոր խօսքով՝ Թեհրան դեռ չէ ստեղծած զէնքը, բայց կրնայ միացնել անհրաժեշտ տարրերը՝ տրոհուող նիւթն ու պայթուցիկ սարքը, եւ ունենալ միջուկային զէնք։