-8.91c
Երեվան
երք, փտր 04
Մինչ լրատուական աղբիւրներ կը տարածէին Քեսրուանիի մահուան բօթը, անդին «Օ.Թի. Վի.» կայանը հիմնուելով իր աղբիւրներուն վրայ կը յայտնէր, որ մարոնիթ վարդապետը հարուածներ ստացած է ու ապա անոր ձեռքերը կապուած են ու դիմագիծը պղծուած։ Կայանը նաեւ կը յայտնէր, որ ծեծի ենթարկուելէն ետք Քեսրուանի անցուցած էր սրտի տագնապ, որմէ ետք մահացած էր։
Օրերս Լիբանանի Պիսքանթա շրջանին մէջ , հայր Էլի Քեսրուանիի անշնչացած մարմինը գտնուած էր անոր բնակարանի պարտէզին մէջ:
Անմիջապէս դէպքին վայրը հասած էին քրէական փաստահաւաքները եւ հետաքննութիւն բացած այս մասին:
Կաթողիկէ համայնքի տեղեկատուական կեդրոնի տնօրէն գերապայծառ Ապտօ Ապու Քասմ հայր Քեսրուանիի մահուան անդրադառնալով յայտնեց, որ Այն Քապուի մէջ հոգեւորականը մահացած գտնուած է իր բնակարանի պարտէզին մէջ:
Ան աւելցուց, որ ապահովական ուժերու տեղեկութիւններուն համաձայն ան օր մը առաջ այցելած է բժիշկին, ինչ որ կը նշանակէ, թէ ան անհանգիստ զգացած է:
Ապու Քասմ շեշտեց, որ հայր Քեսրուանի ոչ ոքի հետ հարցեր ունի` աւելցնելով, որ պէտք է սպասել քրէական փաստահաւաքներու հետաքննութեան` իմանալու համար անոր մահուան պատճառը:
Լուրը համադրաբար ՝ «Ազդակ»էն եւ «Օ. Թի. Վի.»էն
