Հայաստանն ու Թուրքիան համաձայնած են առանց նախապայմաններու շարունակել բանակցութիւնները

Հայաստանն ու Թուրքիան համաձայնած են առանց նախապայմաններու շարունակել բանակցութիւնները

Մոսկուայի մէջ Յունուար 14-ին տեղի ունեցած է Հայաստան-Թուրքիա կարգաւորման գործընթացի յատուկ ներկայացուցիչներ ՀՀ ԱԺ նախագահի տեղակալ Ռուբէն Ռուբինեանի եւ դեսպան Սերտար Քըլըչի հանդիպումը։  

Կառուցողական մթնոլորտի մէջ կայացած առաջին հանդիպման ընթացքին յատուկ ներկայացուցիչները իրենց նախնական միտքերը փոխանակած են Հայաստանի եւ Թուրքիոյ միջեւ երկխօսութեան միջոցով կարգաւորման գործընթացին վերաբերեալ։

Կողմերը համաձայնած են շարունակել լիարժէք կարգաւորման ուղղուած բանակցութիւնները՝ առանց նախապայմաններու։

Երկրորդ հանդիպման ամսաթիւն ու վայրը կ'որոշուի պատշաճ ժամկէտի մէջ՝ դիւանագիտական ուղիներով։