3.09c
Երեվան
շբթ, փտր 28
Եւրոպական խորհուրդի ղեկավար Շառլ Միշել յայտնած է, որ վաղը Պրիւքսէլի մէջ կայանալիք հանդիպումէն առաջ կը նախատեսէ զանգել Հայաստանի վարչապետ Նիկոլ Փաշինեանին եւ Ատրպէյճանի նախագահ Իլհամ Ալիեւին։ Այս մասին ան յայտնած է Twitter-ի միջոցաւ։
«Նախապատրաստական զանգեր այսօր՝ վաղը Պրիւքսէլի մէջ Ատրպէյճանի նախագահ Իլհամ Ալիեւի եւ ՀՀ վարչապետ Նիկոլ Փաշինեանի հետ կայանալիք հանդիպումէն առաջ», - գրած է Միշել:
Շառլ Միշել 31 օգոստոսին Պրիւքսէլի մէջ պիտի հիւրընկալէ Իլհամ Ալիեւը եւ Նիկոլ Փաշինեանը՝ երրորդ անգամ:
«Մենք յոյսով ենք, որ այս հանդիպման պիտի համաձայնեցուի Ատրպէյճանի եւ Հայաստանի միջեւ խաղաղութեան համաձայնագրի բովանդակութեան նախապատրաստման համար աշխատանքային խումբի ստեղծումը»,- Պաքուի հիմնական ակնկալիքները ձեւակերպած է Ատրպէյճանի նախագահի օգնական Հիքմէթ Հաճիեւ:
Իր հերթին, Երեւանը նախընտրած է ձեռնպահ մնալ Պրիւքսէլի մէջ կայանալիք հանդիպման մասին յայտարարութիւններէն։
«Արդիւնքներից յետոյ կը տարածուի համապատասխան հաղորդագրութիւն, որը կը տրամադրի համապարփակ տեղեկատւութիւն քննարկուած թեմաների վերաբերեալ»,- տեղեկացուցած է ՀՀ կառավարութեան ղեկավարի գրասենեակի մամուլի ծառայութիւնը:
