12.09c
Երեվան
երկ, հկտ 14
Թէլ Աւիւի «Պեն Կորիոն» օդակայանէն ոչ մէկ թիռչք եղած է այսօր Իսրայէլի արհմիութիւններու յայտարարած գործադուլի պատճառով: Այս մասին հաղորդած է «Արմէնփրէս»-ը՝ վկայակոչելով Jerusalem Post պարբերականը:
Թռիչքները կը վերսկսին միայն յատուկ ծանուցումէ ետք: Իսկ ժամանող թռիչքներու պարագային վայրէջք կը կատարեն միայն այն օդանաւերը, որոնք արդէն երկինքի մէջ են:
Գործադուլ յայտարարած են նաեւ համալսարաններու, հիւանդանոցներու այլ ոլորտներու աշխատակիցները:
Գործադուլները սկսած են դատական բարեփոխումներու օրինագծի, ինչպէս նաեւ երկրի պաշտպանութեան նախարար Եոաֆ Կալանթը աշխատանքէն հեռացնելու դէմ: Վերջինս կառավարութեան կոչ ըրած էր կասեցնելու դատական բարեփոխումներու նախագիծը:
Jerusalem Post-ը նաեւ նշած է, որ Իսրայէլի ընդդիմութեան ղեկավար Եաիր Լափիտը վարչապետ Բենիամին Նաթանիահուին կոչ ըրած է ետ կանչելու Եոաֆ Կալանթի պաշտօնանկութեան որոշումը՝ նշելով, որ այժմ պաշտպանութեան նախարարին փոխարինելու ժամանակը չէ:
