18.09c
Երեվան
կրկ, ապր 26
Հայաստանի իշխանութիւնները կը ձեւացնեն, թէ բանակցութիւններ վարած են Լեռնային Ղարաբաղի Հանրապետութեան ղեկավարութեան հետ, եւ որ տարաձայնութիւններ չկան: Այս մասին ըսաւ ՀՅԴ Բիւրոյի նորընտիր անդամ, Արցախի խորհրդարանի պատգամաւոր Դաւիթ Իշխանեանը:
Քաղաքական գործիչը նշեց, որ Ապրիլ 14-ին Արցախի խորհրդարանի եւ արտախորհրդարանական ուժերու մակարդակով իրենք մէկ անգամ եւս հաստատած են բոլոր այն սկզբունքներն ու կէտերը, որոնք ընդունելի են ղարաբաղեան կողմին համար:
«Մնացած ամէն ինչը, այն բոլոր կէտերը, որոնք կը սահմանեն կամ կ'ընդունեն Ատրպէյճանի եւ Հայաստանի իշխանութիւնները, մեզ համար բացառապէս երկրորդական նշանակութիւն ունեն», նշեց պատգամաւորը` կոչ ընելով քաղաքական մշակոյթ եւ կամք ունենալ `Ստեփանակերտ այցելելու եւ համապատասխան քննարկումներ կատարելու համար:
