5.09c
Երեվան
ուրբ, նմբ 22
Ֆրանս-թրքական FC Turquoise ակումբի երկրպագուները Վալանսի մէջ յարձակած են ֆրանս-հայկական Homenetmen ակումբի ֆութպոլիսթներու վրայ։ Տեղեկութիւնը յայտնած է Nouvelles d ' Arménie-ն:
Սեպտեմբեր 29-ին Վալանսի մէջ կայացած խաղի ընթացքին հայկական ակումբը յաղթած է 2:0 հաշուով: Արդիւնքէն դժգոհ ֆրանս-թրքական խումբի երկրպագուները վազած են խաղադաշտ եւ դանակներով յարձակած հայ ֆութպոլիսթներու վրայ։
Անոնք գոռացած են` հնչեցնելով ցեղապաշտական եւ հակահայկական վիրաւորանքներ։
Ոստիկանութիւնը միջամտած է, խաղը դադրեցուած է: Քանի մը հայ տուժած խաղցողներ տեղափոխուած են հիւանդանոց:
