-0.91c
Երեվան
կրկ, դկտ 28
Պելառուսիոյ նախագահ Ալեքսանտր Լուքաշենքօն Ռուսաստանի եւ Թուրքիոյ ղեկավարներ Վլատիմիր Փութինի եւ Ռեճեպ Թայիպ Էրտողանի օգնութեամբ ներգաղթեալները յատուկ կը բերէ Պելառուսիա՝ զանոնք անօրինական ճանապարհով Լեհաստան եւ Լիթուանիա տեղափոխելու համար։
«Վերջին վեց շաբթուայ ընթացքին Պելառուսիոյ տարածքով Գերմանիա ժամանած է աւելի քան վեց հազար փախստական։ Անոնք ինքնաթիռներով կը տեղափոխուին երկու ազդեցիկ մարդոց աջակցությամբ», կը գրեն գերմանական թերթերը, յաւելելով որ «Լոքկաշենքօն ներգաղթեալները յատուկ կը բերէ իր երկիր, որպէսզի յետոյ զանոնք մաքսանենգ ճանապարհով տեղափոխէ Լեհաստան եւ Լիթուանիա... Վլատիմիր Փութինն ու Ռեճեպ Թայիպ Էրտողանը կ'օգնեն Լուքաշենքոյին Եւրոպական Միութեան դէմ գրոհի հարցով։ Երկու նախագահներն ալ նիւթատեխնիկական աջակցութիւն կը ցուցաբերեն, որպէսզի հնարաւորինս արագ ներգաղթեալները հասցնեն Մինսք, այնուհետեւ, երբեմն զէնքի սպառնալիքով, ստիպեն անոնց հատել ԵՄ սահմանները»:
Պերլինի անվտանգութեան մարմիններու քանի մը բարձրաստիճան պաշտօնեաներ միաձայն հաստատած են այս տեղեկութիւնը։ Ըստ անոնց՝ ռուսական «Aeroflot» օդանաւային ընկերութիւնը (51 տոկոսը կը պատկանի պետութեան) եւ թրքական «Turkish Airlines» (49 տոկոսը կը պատկանի պետութեան) որոշիչ դեր կը խաղան փախստականները օդային ճանապարհով Պելառուսիա տեղափոխելու հարցին մէջ։
