-0.91c
Երեվան
շբթ, դկտ 21
Թուրքիան չի ձգտիր ոտնահարելու այլ պետութիւններու իրաւունքները, բայց միեւնոյն ժամանակ թոյլ պիտի չտայ յարձակումներ իր դէմ: Մենք կը զգուշացնենք Յունաստանին. դարձեալ մտածեցէք, մի՛ կրկնէք մէկ դար առաջ գործած սխալները եւ մի տրուիք դատարկ յոյսերուն:
Թուրքիոյ նախագահ Ռեճեպ Թայիպ Էրտողան Յունաստանին կոչ ըրած է «չկրկնելու մէկ դար առաջ գործած սխալները»:
Այսօր ելոյթ ունենալով Իզմիրի մէջ կայացուող «Efes-2022» միջազգային զօրավարժութիւններուն` Էրտողանը մատնանշած է Յունաստանի «սադրիչ եւ յարձակողական գործողութիւնները» Էգէյեան եւ Արեւելեան Միջերկրական ծովերուն մէջ:
Թուրքիոյ նախագահը կոչ ըրած է Աթէնքին՝ յարգելու միջազգային իրաւունքի կանոները եւ հրաժարելու զէնք տեղակայելէ կղզիներուն մէջ, որոնք «ապառազմականացուած գօտիներու» կարգավիճակ ունին:
«Դադրեցուցէ՛ք զէնք տեղադրել կղզիներուն մէջ: Ես կատակ չեմ ըներ», ըսած է Էրդողանը:
«Թուրքիան չի ձգտիր ոտնահարելու այլ պետութիւններու իրաւունքները, բայց միեւնոյն ժամանակ թոյլ պիտի չտայ յարձակումներ իր դէմ: Մենք կը զգուշացնենք Յունաստանին. դարձեալ մտածեցէք, մի՛ կրկնէք մէկ դար առաջ գործած սխալները եւ մի տրուիք դատարկ յոյսերուն», ընդգծած է Թուրքիոյ նախագահը:
