17.09c
Երեվան
հնգ, ապր 18
Արտակարգ դէպք տեղի ունեցած է Երեւանի մէջ: Այս մասին յայտնած է shamshyan.com-ը:
Դեռ անյայտ հանգամանքներու մէջ, Բաշինջաղեան փողոցին մէջ, «Գուավա» առեւտուրի կեդրոնի դիմաց, Nissan Versa մակնիշի մեքենային մէջ պայթում առաջացած է:
Ինչպէս դէպքի վայրէն յայտնած է ֆոթոլրագրող Գագիկ Շամշեանը, պայթումի հետեւանքով 2 հոգի տեղափոխուած են «Արմենիա» բժշկական կեդրոն, իսկ մեքենան դարձած է ոչ շահագործելի:
Դէպքի վայր ժամանած է Արտակարգ իրավիճակներու նախարարութեան Փրկարար ծառայութեան թիւ 7 հրշէջ-փրկարարական ջոկատէն 2 մարտական հաշուարկ եւ շտապօգնութեան բժիշկներու հերթապահ խումբերը:
Ոստիկանութիւնը կը պարզէ վարորդի եւ վիրաւորներու ինքութիւնը: Ըստ նախնական տեղեկութիւններու, պայթումը առաջացած է մեքենայի կազի պալոնէն, որ կը պարզուի:
