Չէ բացառուած որ Թրամբ 2024-ի ընտրութեանց առաջադրուի

Չէ բացառուած որ Թրամբ  2024-ի  ընտրութեանց  առաջադրուի

ԱՄՆ նախկին նախագահ Տանըլտ Թրամփ յայտարարած է, որ կրնայ մասնակցիլ յաջորդ նախագահական ընտրութիւններուն, որպէսզի երկիրը կրկին «յաջողակ եւ անվտանգ» դարձնէ, եւ մօտ ժամանակներուն մտադիր է տեղեկացնել 2024 թուականի նախընտրական քարոզարշաւի իր ծրագրերու մասին, գրած է «ՌԻԱ Նովոստի»ն։

«Այժմ մեր երկիրը անվտանգ, յաջողակ ու փառաւոր դարձնելու համար ես, ամենայն հաւանականութեամբ, կրկին այդ կ'ընեմ։ Պատրաստուեցէ՛ք։ Միայն այսքանը կ'ըսեմ։ Շատ շուտով։ Պատրաստուեցէ՛ք», -ըսած է Թրամփ Այովա նահանգին մէջ տեղի ունեցած հանրահաւաքի ժամանակ՝ ակնարկելով, որ մտադիր է կրկին առաջադրուիլ նախագահի պաշտօնին։

ԱՄՆ նախկին նախագահի խօսքով՝ ինքը երկու անգամ մասնակցած է նախագահական ընտրութիւններուն եւ «երկու անգամ ալ յաղթանակ տարած է»։ Խօսքը 2016 եւ 2020 թուականներու նախագահական ընտրութիւններու մասին, որոնցմէ միայն առաջինի պարագային Թրամփ յաղթած է, սակայն քաղաքական գործիչը մինչ օրս վստահ է, որ վերջին ընտրութիւններուն եւս յաղթած է։ Ընդ որում՝ ԱՄՆ նախկին նախագահը վստահ է, որ 2020 թուականի ընտրութիւններում շատ աւելի լաւ արդիւնք գրանցած է, քան 2016 թուականի ընտրութիւններուն։