-10.91c
Երեվան
չրք, դկտ 31
Միացեալ Նահանգները «շատ լրջօրէն» կը դիտարկէ Թուրքիոյ հինգերորդ սերունդի F-35 կործանիչներու մատակարարման հնարաւորութիւնը: Այս մասին յայտարարած է Միացեալ Նահանգներու նախագահ Տանըլտ Թրամփն Իսրայէլի վարչապետ Բենիամին Նաթանիահուի հետ հանդիպումէն ետք կայացած համատեղ մամլոյ ասուլիսի ժամանակ:
Միացեալ Նահանգներու ղեկավարին հարց ուղղած են՝ արդեօք Ուաշինկթընը F-35-եր պիտի վաճառէ Անգարային։
«Մենք շատ լրջօրէն կը մտածենք այդ մասին», - Թրամփի խօսքերը մէջբերած է The Times of Israel-ը։
Սպիտակ տան ղեկավարը նաեւ վստահութիւն յայտնած է, որ Թուրքիոյ նախագահ Ռեճէպ Թայէպ Էրտողանը ոչ մէկ պարագայի պիտի օգտագործէ այդ կործանիչներն Իսրայէլի դէմ:
«Ան երբեք պիտի չօգտագործէ զանոնք Իսրայէլի դէմ», - համոզուած է Ուաշինկթընի վարչակազմի ղեկավարը:
Միացեալ Նահանգները Թուրքիան հեռացուցած էր F-35-երու մշակման ծրագրէն 2019 թուականին, այն բանէ ետք, երբ ՆԱԹՕ-ի անդամ հանդիսացող Թուրքիան գնեց ռուսական զենիթահրթիռային համակարգեր։
