18.09c
Երեվան
կրկ, ապր 26
Այսօր Տիարպէքիրի մէջ սպաննուած Թահիր Էլչի քանիցս մահուան սպառնալիքներ ստացած է: Տիարպէքիրի փաստաբաններու պալատի նախագահը, որ մարդկային իրաւանց պաշտպան է, ամիս մը առաջ Channel 4 news կայանի լրագրող Ճոնաթըն Րակմանին տրուած հարցազրոյցի մը ընթացքին ըսած է, որ Թուրքիոյ մէջ հայերու Ցեղասպանութեան թեմային անդրադառնալը ոչ միայն թապու է, այլ վտանգաւոր: Սպաննեալ քիւրտ իրաւապաշտպանը նաեւ ըսած է, որ վերջին շրջանին զինք Լինչի դատաստանի ենթարկելու մասին սպառնալիքներ կը ստանայ եւ սպառնացողները նոյնիսկ Tweet-ներ ըրած են այն մասին, թէ ինչ ձեւով պիտի սպաննեն զինք: Նշենք, որ շուրջ ամիս մը առաջ Էլչի CNN Turk կայանէն խօսած ժամանակ ըսած էր, որ քրտական PKK կուսակցութիւնը ահաբեկչական կուսակցութիւն մը չէ, բան մը որ մեծ աղմուկ բարձրացուցած էր զինք քննադատող շրջանակներուն մօտ:
