17.09c
Երեվան
հնգ, սպտ 19
Վրաստանի մէջ կեանքի միջին տեւողութիւնը 7 տարիով պակաս է, քան Եւրոպական միութեան երկիրներուն մէջ, յայտնած է Թիֆլիսի պետական համալսարանին առընթեր Տնտեսագիտութեան միջազգային դպրոցը։
Վրաստանի մէջ կեանքի միջին տեւողութիւնը կը կազմէ 74 տարի, ընդ որում կանայք միջին հաշուով շատ աւելի երկար կ'ապրին (79,2 տարի), քան տղամարդիկ (69,7 տարի):
Ըստ «Սփութնիք Կրուզիա»-ի՝ այս ցուցանիշով Վրաստանը 200 երկիրներու շարքին 101-րդ տեղը կը գրաւէ։
Կեանքի միջին տեւողութեամբ Եւրոպայի առաջատարը Սպանիան է, ուր մարդիկ կ'ապրին միջին հաշուով 84 տարի: Այնուհետեւ կը յաջորդեն Իտալիան (83,7 տարի) եւ Մալթան (83,6 տարի):
Ինչ կը վերաբերի իր հարեւան երկիրներուն, Վրաստանն առաջ է միայն Ռուսիայէն (73,3 տարի)։
Թուրքիոյ կեանքի միջին տեւողութիւնը կը կազմէ 77,8 տարի, Ատրպէյճանի՝ 74,5 տարի, Հայաստանի՝ 75,8 տարի։
