12.09c
Երեվան
հնգ, փտր 26
Ես մեծ ցաւ կ'ապրիմ, որ Վլատիմիր Վարդանեանը քաջ գիտակցելով Սահմանադրութեան96-րդ յօդուածը, որ պատահական չէ, որ որեւէ բացառութիւն չի նախատեսեր որեւէ այլ մեխանիզմով պատգամաւորի անձեռնմխելիութիւն յաղթահարելու, կը խօսոի այն մասին, որ դատախազ մը, դատաւոր մը կրնայ շրջանցել ՀՀ Սահմանադրութիւնը: Այս մասին 2 Օգոստոսին, նորընտիր ԱԺ առաջին նստաշրջանին յայտարարած է «Հայաստան» դաշինքի պատգամաւոր Արամ Վարդեւանեանը՝ անդրադառնալով այն մասին, որ իրենց դաշինքէն ընտրուած երկու պատգամաւորները՝ Մխիթար Զաքարեանն ու Արթուր Սահակեանը կալանաւորուած են:
«Եթէ նման նախադէպ ստեղծուում է, հնարաւոր է վաղը ձեզնից իւրաքանչիւրը չլինի ԱԺ նիստերի դահլիճում եւ առանց անձեռնմխելիութեան յաղթահարման լինի կալանաւորուած: Ես ուզում եմ, որ ֆիքսենք, որ մեր գործընկերները՝ պարոն Զաքարեանը, պարոն Սարգսեանը ոչ թէ բացակայում եմ, այլ պատանդի կարգավիճակում են, Էդ մարդիկ ուզում են գալ նիստին ներկայ գտնուել, բայց իրենց թոյլ չեն տալիս՝ մեր սեղաններին դրուած Սահմանադրութիւնը ոչ թէ խախտելով, այլ տրորելով: Եթէ ինչ-որ մէկը կայ, որ կարող է ասել՝ պատգամաւորին առանց ԱԺ համաձայնութեան կարող են կալանաւորեն, թող ընդհանրապէս իրաւաբանութիւնից չխօսայ»,-ըսած է Վարդեւանեանը:
Ի պատասխան ՔՊ պատգամաւոր Վլատիմիր Վարդանեանն արձագանգած է. «Ես շատ լաւ ծանօթ եմ Սահմանադրութեան 96-րդ յօդուածին: Այո, որեւէ պետական մարմին չի կարող գերազանցել իր լիազօրութիւնները: Խնդրում եմ յարգանով վերաբերուել դատարանների որոշումներին, ոչ թէ միայն այն դէպքերում երբ դատարանի որոշումը ձեռնտու է կամ հաճելի է ձեզ: 96-րդ յօդուածը վերաբերում է պատգամաւորին իր լիազօրութիւնների ժամկէտում եւ դրանից յետոյ: Սակայն քրէական հետապնդումը յարուցուել է մինչեւ պատգամաւորական մանտաթ ստանալը եւ անձեռնմխելիութիւնը յաղթահարուել է ԿԸՅ-ի կողմից: Եթէ այդուհանդերձ, որեւէ այլ ընթացակարգով պէտք է շարժուի ԱԺ-ն, ապա դա ոչ թէ ԱԺ-ում քննարկուելիք հարց է, այլ հետագայում արդարադատութեան համապատասխան մարմնում, որովհետեւ ԱԺ-ն չի կարող լինել համ օրէնսդիր մարմին, համ դատական: Ես առաջարկում եմ եւ եւս մէկ անգամ կոչ եմ անում չանդրադառնալ մէկս միւսի գրագիտութեանը: Սա յորդոր է եւ պահանջ: Առաջարկում եմ վերադառնալ կառուցողական հուն, փորձել ձեւաւորել ԱԺ մարմինները եւ ի վերջոյ, չմոռանալ, որ ՀՀ քաղաքացին մեզ այստեղ է ուղարկել, որ կարողանանք աշխատել, ոչ թէ փորձենք փոխադարձ մեղադրանքներով գնալ առաջ»:
