-3.91c
Երեվան
երկ, դկտ 22
Իրանի նախագահ Էպրահիմ Ռայիսին Մոսկուա մեկնելէ առաջ յայտարարած Է, որ իր այցը կրնայ դառնալ շրջադարձային գործօն Իրանի եւ Ռուսաստանի միջեւ քաղաքական, տնտեսական եւ առեւտրական յարաբերութիւններուն մէջ:
«Այցը կարող Է շրջադարձային գործօն դառնալ Ռուսաստանի հետ Իրանի քաղաքական, տնտեսական եւ առեւտրական յարաբերութիւններուն մէջ, ինչպրս նաեւ կրնայ արդիւնաւէտ ըլլալ տարածաշրջանին մէջ անվտանգութեան, տնտեսական եւ առեւտրական յարաբերութիւններու ապահովման համար: Այս ուղեւորութիւնը կ'իրականացուի նախագահ Փութինի հրաւէրով, եւ այդ ուղեւորութեան ընթացքին պիտի ձեռնարկուին ջանքեր տարածաշրջանին մէջ բարիդրացիութեան քաղաքականութեան առաջմղման համար»:
«Իրանի եւ Ռուսաստանի փոխգործակցութիւնը տարածաշրջանին մէջ, անտարակոյս, պիտի ապահովէ անվտանգութիւնը եւ պիտի կանխէ միակողմանիութիւնը: Մենք եւ Ռուսաստանը տնտեսական եւ քաղաքական շատ կազմակերպութիւններու անդամներ ենք տարածաշրջանին մէջ, եւ Ռուսաստանը կարեւոր դեր կը խաղայ այդ կազմակերպութիւններուն մէջ»:
«Ռուսաստանը հանգուցային դեր կը խաղայ Եւրասիական տնտեսական միութեան մէջ, եւ մեր համագործակցութիւնը այդ ուղղութեամբ կրնայ արդիւնաւէտ ըլալ առեւտրա-տնտեսական ծրագրերու առաջմղման համար», նշած Է Ռայիսին:
