11.09c
Երեվան
հնգ, ապր 25
Լիբանան- Պէյրութի օդակայանը կրնայ լուրջ տագնապի առաջ կանգնիլ: Այս մասին հաղորդեց LBCI կայանը, որ նաեւ յայտնեց, թէ օդանաւային 6 ընկերութիւններ այսօր հաղորդագրութիւն հրապարկելով յայտնած են, որ այսօրուընէ սկսեալ կ'առկախեն դէպի Պէյրութ իրենց թռիչքները: Նշենք, որ Պէյրութի «Ռաֆիք Հարիրի»ի անուան միջազգային օդակայանի պատասխանատուները կառավարական մարմիններէն պահանջած էին արգիլել եւ դադրեցնել օդակայանի մերձ գտնուող տարածքին մէջ աղբի այրումը, որովհետեւ այդ մէկը կրնար լուրջ վտանգ հանդիսանալ վայրէջք կամ վերելք կատարող օդանաւերուն: Պատկան մարմիններ անտեսած են օդակայանի պատասխանատուներուն կոչերը:
