-3.91c
Երեվան
երկ, դկտ 23
«Քովիտ»ի դէմ պատուաստուած քաղաքայինները կրնան 6 ամիս անց վերապատուաստուիլ, ստանալ խթանիչ դեղաչափը՝ «պուսթըրը»: Այս մասին յայտնեց առողջապահութեան նախարար Անահիտ Աւանէսեանը:
Անոր խօսքով, այս համակարգը արդէն կը գործէ, եւ քաղաքայինները կը դիմեն պատուաստման խթանիչ դեղաչափը ստանալու համար:
Նախարարին խօսքով, խթանիչ պատուաստում չստացած քաղաքայիններու նկատմամբ սահմանափակումներ կիրառելու հարցը դեռ չի քննարկուիր:
Նշենք, որ, ըստ հետազօտութիւններու, պատուաստումէն 6 ամիս յետոյ հակամարմիններու մակարդակը աւելի քան 50 տոկոսով իջած է բոլոր մասնակիցներուն մօտ՝ առանց բացառութեան, ընդ որում` ամենաերիտասարդներուն:
Այդ չի նշանակեր, որ պատուաստանիւթերը անարդիւնաւէտ են, բայց քանի որ չէզոքացնող հակամարմինները ժամանակի ընթացքին կը նուազի, խթանող դեղաչափերու ներարկումը շատ կարեւոր է շարունակուող համավարակի պայմաններուն մէջ, որոնք կը պահպանեն դիմադրողական համապատասխան մակարդակը:
