Օգտագործել խաղաղութեան ցանկացած առիթ. Փոխ Վարչապետ՝ Գրիգորեան

 Օգտագործել խաղաղութեան  ցանկացած առիթ. Փոխ Վարչապետ՝ Գրիգորեան

Այսօր՝ լրագրողներու հետ ճեպազրոյցի ժամանակ, փոխ վարչապետ՝ Մհեր Գրիգորեան պատասխանեց, թէ տարածաշրջանը կայունացնող ցանկացած առիթ պէտք է օգտագործել: 

 

Ճեպազրոյցի ընթացքին լրագրողներէն մէկը յիշեցուց, որ հայկական կողմը բազմիցս յայտարարած էր այն մասին, որ առանց Ատրպէյճանի զօրքերու Հայաստանի տարածքէն դուրս ելլելուն եւ հայ ռազմագերիներու վերադարձման, հայկական կողմը չի վերսկսիր բանակցութիւնները Ատրպէյճանի հետ, մինչ դեռ՝ բանակցութիւնները փաստացի վերսկսած են:

 

«Ցանկացած առիթ, որը կայունացնում է տարածաշրջանում իրավիճակը եւ բերում է խաղաղութիւն, պէտք է օգտագործել»,- յիշեցման ի պատասխան՝ նշեց Մհեր Գրիգորեան, նկատել տալով, որ Ատրպէյճանի հետ պէտք է խօսիլ եւ բանակցիլ:

 

Խօսելով եռակողմ աշխատանքային խումբի գործունէութեան մասին` փոխ վարչապետը յայտնեց, որ այս պահուն տարածաշրջանի երկաթագիծերու վերականգնման մասով եռակողմ աշխատանքային խումբի համար տեսանելի են լուծումները, որովհետեւ խօսքը այն երկաթագիծերու վերականգման մասին է, որոնք ժամանակին եղած են եւ գործած:

 

«Այդ մասով աւելի շատ կեդրոնացուած ենք իրաւական լուծումների վրայ` սահմանային, մաքսային, բուսաառողջապահական եւ այլ նմանատիպ հսկողական գործառոյթ կազմակերպելու ուղղութեամբ: Ճանապարհների վերականգնման մասով դեռեւս աւելի շատ քննարկւում է տեխնիկական լուծումների հարցը»,- ըսաւ Գրիգորեան:

 

Մհեր Գրիգորեան անդրադարձաւ նաեւ    Հայաստանի  տարածքով  դէպի Նախիջեւան միջանցք բանալու հարցին ու այս առումով  ան վերահաստատեց հայկական կողմի դիրքորոշումը, ու այն հարցին թէ եռակողմ աշխատանքային խումբին մէջ կը քննարկուի Հայաստանի տարածքով դէպի Նախիջեւան միջանցք բանալու հարցը ան պատասխանեց՝ «Ի հարկէ ոչ»: