16.09c
Երեվան
չրք, սպտ 24
Սեպտեմբեր 20-ին կայացած «Քաղաքացիական պայմանագիր» կուսակցութեան 7-րդ համաժողովի ընթացքին տեղի ունեցած են կուսակցութեան Վարչութեան, Վարչութեան նախագահի եւ Վերահսկող յանձնաժողովի ընտրութիւններ։ «Քաղաքացիական պայմանագիր» կուսակցութիւնը հրապարակած է կուսակցութեան համագումարին վարչութեան անդամներու վերջնական ընտրութեան արդիւնքները:
Համաժողովի 917 մասնակիցներու քուէարկութեան արդիւնքով, ձայներու ճնշող մեծամասնութեամբ՝ 758 կողմ քուէով, կուսակցութեան Վարչութեան նախագահ վերընտրուած է Նիկոլ Փաշինեանը։
Վարկանիշային քուէարկութեամբ ընտրուած է նաեւ կուսակցութեան Վարչութեան նոր, 20-հոգինոց կազմը։ Առաւելագոյն ձայներ ստացած թեկնածուներու ցանկը կը գլխաւորեն Գէորգ Պապոյեանը (707 ձայն), Վահագն Ալեքսանեանը (688 ձայն) եւ Սուրէն Պապիկեանը (665 ձայն)։
Վարչութեան ընտրուած անդամներն են՝
Փաշինեան Նիկոլ Վովայի – 826 ձայն
Պապոյեան Գէորգ Յարութիւնի – 707 ձայն
Ալեքսանեան Վահագն Յովիկի – 688 ձայն
Պապիկեան Սուրէն Ռաֆիկի – 665 ձայն
Կոնջորեան Հայկ Արսէնի – 648 ձայն
Յարութիւնեան Արայիկ Էդուարդի – 625 ձայն
Ռուբինեան Ռուբէն Կարապետի – 606 ձայն
Թորոսեան Արսէն Գէորգի – 596 ձայն
Պետրոսեան Ռոմանոս Վանիչկայի – 567 ձայն
Խուդաթեան Դաւիթ Յովհաննէսի – 562 ձայն
Սիմոնեան Ալեն Ռոբերտի – 527 ձայն
Ղազարեան Ալխաս Աղաբեկի – 513 ձայն
Ջուլհակեան Արուսեակ Թովմասի – 439 ձայն
Գաբրիէլեան Վիլէն Կարէնի – 435 ձայն
Յակոբեան Յասմիկ Արմէնի – 434 ձայն
Սանոսեան Գնել Հենզելի – 432 ձայն
Աւինեան Տիգրան Արմէնի – 422 ձայն
Խաչատրեան Արմէն Էդմոնդի – 420 ձայն
Բաղդասարեան Նազելի Հրաչի – 416 ձայն
Մանաւազեան Արուսեակ Լեւոնի – 405 ձայն
Վարչութեան կազմին մէջ չեն ընտրուած առաջադրուած 41 թեկնածուներէն 21-ը, այդ շարքին՝ Առողջապահութեան նախարար Անահիտ Աւանէսեանը, ԵԿՄ վարչութեան նախագահ Սասուն Միքայէլեանը, Երեւանի փոխքաղաքապետ Արմէն Փամբուխչեանը, Լոռիի մարզպետ Արէն Մկրտչեանը եւ այլն։
Կուսակցութենէն յայտնած են, որ ընտրութիւններու արդիւնքներու բողոքարկման համար սահմանուած 24 ժամուան ընթացքին դիմումներ չեն ստացուած, որու արդիւնքով արձանագրութիւնները կը համարուին վերջնական։ Համաժողովին մասնակցելու իրաւունք ունէր 974 անձ։
