14.09c
Երեվան
չրք, հկտ 04
Անգարան կը պաշտպանէ նաեւ Զանգեզուրի միջանցքը բանալու գաղափարը, որ Նախիջեւանի ինքնավար հանրապետութիւնը պիտի կապէ Ատրպէյճանի մնացեալ մասին հետ. «Մենք կ'աջակցինք Ատրպէյճանի եւ Հայաստանի միջեւ յարաբերութիւններու կարգաւորման: Կը սպասենք ամենակարճ ժամկէտի մէջ Զանգեզուրի միջանցքի բացման, որ կապ պիտի ապահովէ Ատրպէյճանի արեւմտեան շրջաններուն միջեւ:
Թուրքիան պատրաստ է Ատրպէյճանի եւ Ղազախստանի հետ Արեւմուտքի եւ Արեւելքի միջեւ Միջանցիկ փոխադրութեան միջանցքի զարգացման համատեղ քայլերու: Այս մասին ըսած է Թուրքիոյ արտաքին գործոց նախարար Մեւլութ Չաւուշօղլուն Թուրքիոյ, Ատրպէյճանի եւ Ղազախստանի արտաքին գործոց եւ փոխադրութեան նախարարներու` Պաքուի մէջ տեղի ունեցած առաջին եռակողմ հանդիպման արդիւնքներու հիման վրայ:
«Կասպից ծովով բեռնափոխադրումները մեծ նշանակութիւն ունին: Մենք պատրաստ ենք այսուհետեւ եւս այդ միջանցքի նշանակալիութեան բարձրացման ուղղուած քայլերու ձեռնարկելու: Ներդրումներու աճը փոխադրութեան եւ լոկիսթիքի ոլորտին մէջ թոյլ պիտի տայ բարձրացնելու բարեկեցութեան մակարդակը ամբողջ տարածաշրջանին մէջ», ըսած է նախարարը:
Անոր խօսքով` Պաքուի մէջ եռակողմ հանդիպման մասնակիցները տեղեկացուած է հարցին վերաբերեալ Անգարայի յստակ նախաձեռնութիւններուն մասին:
Թուրք նախարարին խօսքով` տարածաշրջանային գործընթացներու ծիրին մէջ Պաքուի, Անգարայի եւ Նուր Սուլթանի համագործակցութիւնը ձեռք կը բերէ յատուկ նշանակութիւն: «Ճգնաժամերը եւ մարտահրաւէրները, անշուշտ, կ'ուղեկցուին նաեւ հնարաւորութիւններով, որոնք մեր երկիրները կրնան եւ պէտք է օգտագործեն», նշած է Թուրքիոյ դիւանագիտութեան ղեկավարը: Որպէս օրինակ Չաւուշօղլուն ուշադրութիւն հրաւիրած է Սեւծովեան շրջանի հացահատիկային ճգնաժամի վրայ: «Անգարան սերտօրէն կը փոխգործակցի ՄԱԿ-ի հետ` ստեղծուած իրավիճակէն դուրս գալու նպատակով», փաստած է թուրք նախարարը:
Չաւուշօղլուն նշած է, որ ճգնաժամը (Ուքրանիոյ շուրջ) ընդգծած է անվտանգ եւ կայուն գործող փոխադրութեան միջանցքներու առկայութեան նշանակութիւնը: Ուստի, շատ կարեւոր է ներդրումներ ընել ինչպէս հայրենական ենթակառուցուածքին, այնպէս ալ ընդլայնել տարածաշրջանի հնարաւորութիւնները:
Անոր խօսքով` փոխադրութեան եւ ուժանիւթի ոլորտներուն մէջ տարածաշրջանային յաջող փոխգործակցութեան վառ օրինակ է Պաքու-Թիֆլիս-Կարս երկաթուղին, ինչպէս նաեւ Պաքու-Թիֆլիս-Ճէյհան նաւթատարներու եւ Թրանսանատոլիական կազատարի ուժանիւթային նախագիծերը:
Անոր խօսքով` Անգարան կը պաշտպանէ նաեւ Զանգեզուրի միջանցքը բանալու գաղափարը, որ Նախիջեւանի ինքնավար հանրապետութիւնը (Ատրպէյճան) պիտի կապէ Ատրպէյճանի մնացեալ մասին հետ. «Մենք կ'աջակցինք Ատրպէյճանի եւ Հայաստանի միջեւ յարաբերութիւններու կարգաւորման: Կը սպասենք ամենակարճ ժամկէտի մէջ Զանգեզուրի միջանցքի բացման, որ կապ պիտի ապահովէ Ատրպէյճանի արեւմտեան շրջաններուն միջեւ»:
