3.09c
Երեվան
երկ, մրտ 02
Իրանի ժամանակաւոր Գերագոյն առաջնորդ Ալիռեզա Արաֆիի բնակարանին հրթիռային հարուած հասցուած է։ Այս մասին երկուշաբթի, մարտ 2-ին, կը յայտնած են իսրայէլեան լրատուամիջոցները։
Միեւնոյն ժամանակ չէ յստակեցուած, թէ արդեօք Արաֆին հարուածի պահուն գտնուած է շէնքին մէջ։ Իրանի իշխանութիւնները տակաւին չեն մեկնաբանած այս տեղեկութիւնը։ Հաւանական զոհերու կամ աւերածութիւններու մասին եւս առայժմ հաղորդագրութիւններ չկան։
«Իսրայէլի ռազմաօդային ուժերը հարուածած են Իրանի Գերագոյն առաջնորդի ժամանակաւոր պաշտօնակատար Ալիռեզա Արաֆիի տունը։ Անոր ճակատագիրը իսկապէս անյայտ է»,- յայտնած է իսրայէլեան «Իններորդ ալիք»-ը։
Մարտ 1-ին այաթոլլա Ալիռեզա Արաֆին դարձած է Իրանի խորհուրդի անդամ, որ պիտի ղեկավարէ երկիրը մինչեւ նոր առաջնորդի ընտրութիւնը։ Համաձայն Իրանի սահմանադրութեան 111-րդ յօդուածին՝ ժամանակաւոր ղեկավար խորհուրդի կազմին մէջ պէտք է ըլլայ իրաւաբաններու դասէն մէկ անձ։
Յիշեցնենք, որ Իրանի Գերագոյն առաջնորդ Ալի Խամենէին զոհուած է Իսրայէլի պաշտպանութեան բանակի հարուածին հետեւանքով։ Դէպքէն ետք երկրի բնակիչները դուրս եկած են բողոքի ցոյցերու։ Ամբոխը շարժած է Էնկելապ հրապարակէն դէպի Թեհրանի կեդրոն։
