21.09c
Երեվան
ուրբ, հնս 27
Պաշտպանութեան նախարար Սուրէն Պապիկեանը պաշտօնական այցով կը գտնուի Կիպրոսի Հանրապետութիւն։ Դեկտեմբեր 12-ին ան հանդիպած է Կիպրոսի պաշտպանութեան նախարար Միխալիս Եորղալասի հետ։
Հայաստանի պաշտպանական գերատեսչութենէն յայտնած են, որ հանդիպման ընթացքին քննարկուած են պաշտպանութեան բնագաւառին մէջ հայ-կիպրական համագործակցութեան առնչուող շարք մը հարցեր:
«Կողմերն ամփոփել են համագործակցութեան ներկայիս ընթացքն ու նախանշել դրա զարգացման նոր հնարաւորութիւնները`պատրաստակամութիւն յայտնելով գործակցել աւելի ընդգրկուն օրակարգով՝ ուսումնավարժական ծրագրեր, փորձի փոխանակում տարբեր ոլորտներում, ռազմատեխնիկական համագործակցութիւն եւ փոխադարձ հետաքրքրութիւն ներկայացնող այլ հարցեր»,-ըսուած է հաղորդագրութեան մէջ։
Սուրէն Պապիկեան իր գործընկերոջ ներկայացուցած է նաեւ ՀՀ կառավարութեան «Խաղաղութեան խաչմերուկ» նախագիծը:
