23.09c
Երեվան
չրք, սպտ 24
Պաղեստինեան «Համաս» շարժումը յայտարարած է, որ պատրաստ է ազատ արձակելու Կազայի հատուածին մէջ պահուող բոլոր պատանդները Իսրայէլի հետ համապարփակ գործարքի շրջածիրէն ներս, որ պէտք է ներառէ անկլաւին մէջ ռազմական գործողութիւններու ամբողջական դադրեցում: Համապատասխան յայտարարութիւնը հրապարակած են թելեկրամեան ալիքով։
««Համաս»-ը կը հաստատէ, որ պատրաստ է անցնելու համապարփակ գործարքի իրականացման, որու շրջածիրէն ներս ազատ պիտի արձակէ բոլոր պատանդները՝ պաղեստինցի բանտարկեալներու համաձայնեցուած քանակի դիմաց։
Այս համաձայնագիրը պէտք է ներառէ նաեւ Կազայի մէջ պատերազմի դադրեցումը եւ այնտեղէն իսրայէլցի զինուորականներու դուրս գալը»,-ըսուած է հաղորդագրութեան մէջ։
Շարժումը նաեւ կը պնդէ, որ գործարքի կնքմամբ անկլաւի հետ սահմաններու բոլոր անցակէտերը վերսկսին իրենց աշխատանքը եւ սկսին ատոնց վերակառուցման աշխատանքները:
