12.09c
Երեվան
շբթ, փտր 21
Ռուսաստանի նախագահ Վլատիմիր Փութինի, Ատրպէյճանի նախագահ Իլհամ Ալեւի եւ Հայաստանի վարչապետ Նիկոլ Փաշինեանի եռակողմ հանդիպման համար պէտք է բոլոր կողմերուն համաձայնութիւնը եւ բոլոր կողմերուն պատրաստակամութիւնը: Այս մասին յայտնած է է ՌԴ ղեկավարի խօսնակ Տմիթրի Փեսքովը:
«Անկասկած, ինչ-որ փուլի այդ շփումները անհրաժեշտ պիտի ըլլան, սակայն որպէսզի անոնք հնարաւոր դառնան, անհրաժեշտ է երեք կողմի համաձայնութիւնն ու պատրաստակամութիւնը», ըսած է Քրեմլինի ներկայացուցիչը:
Վերջինս յաւելած է, որ Մոսկուան հայ-ատրպէյճանական սահմանին տիրող հակամարտութեան կողմերուն զսպուածութեան կոչ կ'ընէ եւ հանդէս կու գայ եռակողմ համաձայնութեան պահպանման օգտին:
«Հայ-ատրպէյճանական սահմանին մարտական գործողութիւններու վերսկսումը իսկապէս այն է, ինչ երէկ լուրջ անհանգստութեան պատճառ դարձաւ, սակայն ռուսական կողմի միջնորդական ջանքերուն շնորհիւ կարելի եղաւ հակամարտող կողմերը զսպուածութեան կանչել», ըսած է Փեսքովը:
«Ռուսական կողմը հետագային եւս պիտի շարունակէ ընել այդ: Մենք այնուամենայնիւ յոյս ունինք, որ իրավիճակի կայունացման միակ ճանապարհը եռակողմ պայմանաւորուածութիւններու իրագործումն է», ընդգծած է Փեսքովը:
