2.09c
Երեվան
երկ, դկտ 23
Գամիշլիի մէջ զինեալներ բռնութիւն կիրառած են Թովմաս Ժան Յակոբեանին հանդէպ: Այս մասին գրած է «Զալին նյուզ»ը հաւաստելով, որ դէպքը եղած է Գամիշլիի «Հայ ալ ուըսթա» թաղամասին մէջ, որմէ ետք երիտասարդ հայորդին փոխադրուած է հիւանդանոց:
Դէպքը պատահած է քանի մը օր առաջ: «Արեւելք» այս մասին տեղեկութիւն ստանալու համար դիմեց Գամիշլիի մարմիններուն, որոնց հաւաստմամբ հայորդին կը շարունակէ մնալ հիւանդանոցի մէջ եւ անոր վիճակը կը գնահատուի բաւարար:
Նշենք, որ Թովմաս Յակոբեան անդամ է շրջանին մէջ գործող ասորիներու «Սոթորո» խմբաւորման, որ ստանձնած է Գամիշլիի կարգ մը շրջաններու ապահովութիւնը:
«Զալին Նյուզ» նոյնպէս կը փոխանցէ, որ հայորդիին դէմ բռնութիւն կատարողները շրջանի քրտական «Ասայէշ» զինեալ խմբաւորման անդամներ են:
