20.09c
Երեվան
երք, հնս 17
Եգիպտոսի Արաբական Հանրապետության դեսպանատունը, դեսպան Սերենադ Սոլիման Գամիլի գլխավորությամբ, համագործակցելով Երեւանի «Հայբուսակ» համալսարանի հետ, համալսարանում դասախոսություն է կազմակերպել եգիպտացի հայտնի գրող եւ պատմաբան, դոկտոր Ահմեդ Յուսեֆի հետ։ Հանդիպման ընթացքում ներկայացվել է նրա վերջին գիրքը՝ «Բոնապարտը», տեղեկանում ենք դեսպանատնից։
Դոկտոր Ահմեդ Յուսեֆը ելույթ է ունեցել հանդիպմանը, որում խոսել է նաեւ Եգիպտոսում հայերի պատմական ներկայության մասին՝ շեշտը դնելով Նուբար փաշայի՝ որպես 19-րդ դարում Եգիպտոսի առաջին վարչապետի դերի վրա։
Նորին գերազանցություն դեսպան Սերենադ Գամիլն իր հերթին շեշտել է Եգիպտոսի եւ Հայաստանի միջեւ մշակութային համագործակցության կարեւորությունը։
Ահմեդ Յուսեֆը Երեւանում մասնակցել է նաեւ այլ հանդիպումների, ինչպես՝ «Ազնավուր. եգիպտական կիրք» թեմայով դասախոսությանը, որը հյուրի համար կազմակերպվել էր «Ազնավուր» հիմնադրամում։
