25.09c
Երեվան
ուրբ, ապր 19
Արցախի կառավարութիւնը ներկայացուցած է շրջափակման 54-րդ օրուան տեղեկագիրը՝ 2 փետրուարի դրութեամբ:
«Օրուայ վիճակագրական թարմացումներ.-
7 երեխայ գտնւում է մանկական հիւանդանոցի նորածնային եւ վերակենդանացման բաժանմունքներում:
12 չափահաս բուժառու գտնւում է վերակենդանացման բաժանմունքում, որոնցից 5-ը ծայրայեղ ծանր վիճակում է։
Արդէն 194 երեխայ ծնուել է շրջափակման մէջ:
Արցախի առողջապահութեան նախարարութեան ենթակայութեան տակ գործող բոլոր բուժհաստատութիւններում պլանային վիրահատութիւնների դադարեցման պատճառով 568 քաղաքացի զրկուել է վիրահատուելու միջոցով առողջական խնդիրների լուծման հնարաւորութիւնից։
Մինչ այսօր Կարմիր խաչի միջազգային կոմիտէի միջնորդութեամբ եւ ուղեկցութեամբ Արցախից Հայաստան է տեղափոխուել 64 հիւանդ՝ համապատասխան բուժում ստանալու համար։
Ստեղծուած տնտեսական բարդ իրավիճակի պատճառով նախնականօրէն առնուազն 5100 մարդ կորցրել է աշխատանքը եւ եկամտի աղբիւրը։
Աւելի քան 21.200 տոննա կենսական նշանակութեան ապրանքներ կը մատակարարուէին Արցախ, եթէ չլինէր շրջափակումը, որի ընթացքում Կարմիր խաչի միջազգային կոմիտէի եւ Ռուսիոյ Դաշնութեան խաղաղապահ զօրակազմի կողմից մատակարարուել է դրա միայն չնչին մասը:
Կարեւոր փաստեր.-
Ադրբեջանի կառավարութեան գործակալները ահաբեկչական գործողութիւններով 53 օր շարունակ շրջափակման պայմաններում պատանդ են պահում Արցախի 120,000 բնակչութեանը:
Շրջափակման պատճառով Արցախի 120.000 բնակչութիւնը (ներառեալ՝ շուրջ 30.000 երեխայ, 20.000 տարեց, 9000 հաշմանդամութիւն ունեցող անձ) կրում է բազմաթիւ զրկանքներ եւ, ի թիւս այլ իրաւունքների խախտման, կանգնած է թերսնման եւ ցրտահարման մեծ ռիսկի առջեւ:
Շրջափակման պայմաններում սննդի սրացող սղութեան պատճառով յունուարի 9-ից փակուել են 41 մանկապարտէզ, 20 երկարօրեայ ուսումնական հաստատութիւն։
5528 երեխայ այլեւս չի կարողանում մանկապարտէզ յաճախել՝ զրկուելով համապատասխան խնամք եւ սնունդ ստանալու հնարաւորութիւնից»:
