6.09c
Երեվան
հնգ, նմբ 21
Պաղեստինեան լրատուամիջոցները կը հաղորդեն, որ իսրայէլեան ուժերը ներխուժած են Ժընին քաղաք, մինչ պաղեստինցի երիտասարդները փամփուշտներով դիմակայած են անոնց:
Աւելի քան 50 ռազմական սարքեր ներխուժեցին Ժընին եւ անոր գաղթակայանը, եւ կատաղի բախումներ սկսան դիմադրութեան եւ իսրայէլեան ուժերուն միջեւ:
Իր կարգին, Ժընին ջոկատը այսօր յայտնած էր, որ իր մարտիկները «ներգրաւուած են դաժան բախումներու մէջ իսրայէլեան ուժերուն հետ»:
Իսրայէլեան ուժերը ձերբակալած են Ժընինի գաղթակայանէն երիտասարդի մը, ինչպէս նաեւ ձերբակալութիւններ իրականացուցած են Ժընինէն արեւմուտք գտնուող Աանին գիւղի երիտասարդներուն նկատմամբ:
Անվտանգութեան եւ տեղական աղբիւրները կը տեղեկացնեն, որ իսրայէլեան բանակի մեծ ուժերը ներխուժած են գաղթակայան եւ իրենց դիպուկահարները տեղակայած են շարք մը տանիքներու վրայ, միաժամանակ գաղթակայանի երկնքին հետախուզական ինքնաթիռներու թռիչքներու ընկերակցութեամբ:
Նոյն աղբիւրները կը յաւելեն, որ իսրայէլեան ուժերը ձերբակալած են երիտասարդ Ասիտ Թուրքմանը, երբ անոնք ներխուժած են անոր ընտանիքին տունը` ընդհարումներու ընթացքին:
