ԱՄՆ նախկին նախագահ Տոնալտ Թրամփ յայտարարած է, որ պատրաստ է նախընտրական բանավէճի փոխնախագահ Քամալա Հարիսի հետ:
«Հաւանաբար, բանավէճը տեղի կ’ունենայ, բայց ես կրնամ նաեւ ապացոյցներ բերել անոր դէմ»,- ըսած է Թրամփ Fox News-ի հետ հարցազրոյցի մը ընթացքին: Թրամփ նաեւ քննադատած է Հարիսին, նշելով՝ «Ան կը կործանէ մեր երկիրը»:
Աւելի կանուխ Թրամփի նախընտրական կազմը յայտարարած էր, որ Հարիսի հետ բանավէճի մանրամասնութիւնները չեն կրնար վերջնականացնել, մինչեւ դեմոկրատական կուսակցութիւնը պաշտօնապէս իր նախագահի թեկնածուն չնշանակէ: Փոխնախագահ Հարիսի նախընտրական կազմը կարծիք յայտնած էր, որ նախկին նախագահը կը վախնայ բանավէճի մասնակցիլ դեմոկրատական կուսակցութեան նախագահի հաւանական թեկնածուի դէմ ։