16.09c
Երեվան
հնգ, մյս 21
Սուրիան որպէս հիւր երկիր պիտի մասնակցի յաջորդ ամիս Ֆրանսայի մէջ կայանալիք Մեծ Եօթնեակի՝ G7-ի գագաթնաժողովին եւ ներկայացուած պիտի ըլլայ նախագահ Ահմետ Շարըհի կողմէ։ Ինչպէս կը հաղորդէ Reuters-ը, այս մասին տեղեկացուցած են թեմային ծանօթ երեք աղբիւրներ։
Կը նշուի, որ սա պիտի դառնայ Սուրիոյ առաջին մասնակցութիւնը G7-ի գագաթնաժողովին։
Յունիս 15-17 Ֆրանսայի հարաւ-արեւելքին գտնուող Էվիան-լը-Պեն քաղաքին մէջ կայանալիք վեհաժողովին մասնակցելու Շարըհի հրաւէրը անձամբ յանձնուած է Սուրիոյ ելեւմտական նախարար Իսր Պարնիեին, որ այս շաբաթ Փարիզի մէջ մասնակցած է G7-ի ելեւմտական բանակցութիւններուն։
Աղբիւրներէն մէկը, որ սուրիացի պաշտօնեայ է, յայտնած է, որ Սուրիոյ մասնակցութիւնը բանակցութիւններուն, հաւանաբար, պիտի կեդրոնանայ երկիրին դերը՝ որպէս «մատակարարման շղթաներու կարելի ռազմավարական կեդրոն» ներկայացնելու վրայ, մասնաւորաբար Հորմուզի նեղուցով անցանելիութեան խնդիրներու ի յայտ գալէն ետք։
Յիշեցնենք, որ նեղուցով նաւագնացութիւնը մեծ մասամբ դադրեցուած է Փետրուարի վերջաւորութեան Իրանի դէմ պատերազմի մեկնարկէն ի վեր՝ ճգնաժամային վիճակ ստեղծելով համաշխարհային տնտեսութեան համար։
