14.09c
Երեվան
չրք, մրտ 12
Թուրքիայի Քահրամանմարաշ նահանգում 7.4 մագնիտուդ հզորությամբ տեղի ունեցած երկրաշարժի հետեւանքով Սիրիայի հայկական թաղամասերում փլվեն են շենքեր, տեղի է ունեցել քարաթափում:
Հալեպի Կիլիկյան ճեմարանի տնօրենությունը հայտնում է, որ դպրոցի շենքը վնասներ է կրել, նախազգուշական միջոցներով դադարեցրել են աշխատանքը, մինչեւ ստուգվի շենքի ամրությունը:
Ինչպես հայտնել էինք՝ երկրաշարժից վնասվել են նաեւ Հալեպի Մխիթարյան վարժարանն ու հայկական Ս. Քառասնից Մանկանց եկեղեցին:
Կիլիկիա ճեմարանի աշխատակազմը դպրոցից եւ շրջակայքից լուսանկարներ է տեղադրել:
Նշենք, որ Կիլիկյան ճեմարանը հիմնվել է 1921 թվականին՝ Կիլիկիայից գաղթած հայ գործիչների նախաձեռնությամբ։ 1921-1960 թվականներին կոչվել է Կիլիկյան գաղթականաց վարժարան։
