Ռուսիան հանած է Հայաստանի եւ Ղրղըզստանի հետ ճանապարհային հաղորդակցութեան սահմանափակումները։ Համապատասխան կարգադրութիւնը ստորագրած է երկրի վարչապետ Միխայիլ Միշուսթինը։
«Լրացնել օտարերկրեայ պետութիւններու ցանկը, որոնց հանդէպ հանուած են Ռուսիոյ Դաշնութեան մտցուցած ճանապարհային հաղորդակցութեան ժամանակաւոր սահմանափակումները, <…> այդ պետութիւններն են՝ Հայաստանի Հանրապետութիւնը, Ղրղըզստանի Հանրապետութիւնը», նշուած է փաստաթուղթին մէջ։
Սահմանափակումները մտցուած էին ընթացիկ տարուան Մայիս 20-ին։