10.09c
Երեվան
հնգ, հկտ 09
Օրերս Լիբանանի մէջ գումարուած է Միջին Արեւելքի Եկեղեցիներու Խորհուրդի տարեկան ժողովը։
Եղելութեան մասին «Արեւելք» տեղեկացաւ ՄԱՀԱԵՄ-ի դիմատետրեան էջէն։
Ստորեւ տրուած հաղորդագրութիւնը՝
Միջին Արեւելքի Եկեղեցիներու Խորհուրդը (ՄԱԵԽ) Լիբանանի մէջ իր տարեկան ժողովը գումարեց միջազգային գործակիցներու ներկայութեամբ 10-11 Սեպտեմբեր 2025ին, «Ալ-Լիքա» Կեդրոն (Ռապուէ) եւ Հայկազեան Համալսարան (Պէյրութ)։
Երկու օրուան ընթացքին ներկաները բաց քննարկումներով, խորհրդակցական ժողովներով, տեղեկագիրներով զանազան նիւթեր նկատի առին, կառավարական պաշօնեաներու, եկեղեցական պետերու, գործակից կազմակերպութիւններու եւ արտասահմանեան հիւրերու հետ։ Եկեղեցիներու եւ տարածաշրջանի ընկերութիւններու դիմագրաւած հրատապ նիւթեր սերտեցին միասնաբար։
Այս ժողովները աւարտեցին Հայկազեան Համալսարանի մէջ, Միջին Արեւելքի Եկեղեցիներու Խորհուրդի 50-ամեակը նշող սեմինարով մը ։ Յիսնամեակի տարին աւարտեցաւ Պէյրութի Հայ Աւետարանական Առաջին Եկեղեցւոյ մէջ, միջ-եկեղեցական աղօթքի արարողութիւնով։ Խորհրդաւոր մթնոլորտի մը մէջ, մասնակցողները Քրիստոսով իրենց միասնականութիւնը վեր առին, նաեւ իրենց յարատեւ հաւատը եւ Միջին Արեւելք եւ անդին իրենց առաքելութեան ու վկայութեան իրենց միասնական կոչումը։ ՄԱԵԽի Համանախագահ Վեր. Դոկտ. Փօլ Հայտօսթեան իր պատգամին մէջ շեշտեց Քրիստոսի յարութեան յոյսը եւ զօրութիւնը որպէս կեանքի վճռական խօսքը, ներկայ խռովութիւններու, անարդարութիւններու եւ մարդկային տառապանքին դիմաց։
