• 95
• 02/02/2023

Մեծ հրդեհ Ջերմուկի մէջ

Հինգշաբթի՝ 1 փետրուարին, խոշոր հրդեհ տեղի ունեցած է Վայոց Ձորի մարզին մէջ։

Ժամը 21։40-ի սահմաններուն ՀՀ Ներքին գործոց նախարարութեան Փրկարար ծառայութեան 911 ճգնաժամային կառավարման կեդրոն ահազանգ ստացուած է, որ Ջերմուկ քաղաքի մէջ՝ Արփա-Սեւան թունելի մօտակայքը, կ'այրի անասնագոմի տանիք եւ տանիքի տակ կուտակուած անասնակերը:

Պարզուած է, որ հրդեհը բռնկած է Ջերմուկ քաղաքի Գետափնեայ փողոցի վերջնամասը գտնուող անասնագոմի տանիքին մէջ՝ այրած է տանիքի փայտեայ կառուցատարները, տանիքի տակ պահեստաւորուած անասնակերը։

Այրած է մօտ 300 հակ անասնակեր եւ մօտ 500 քմ անասնագոմ։