2.09c
Երեվան
երք, դկտ 10
Գահիրէի մէջ տեղի ունեցած է Ատրպէյճանի եւ Եգիպտոսի նախագահներու հանդիպում: Իլհամ Ալիեւի եւ Ապտ ալ Ֆաթթահ ալ Սիսիի ներկայութեամբ գործակցութեան զարգացման փաստաթուղթեր ստորագրուած են մարզանքի, ուժանիւթի, արտահանման, ներդրումներու, տնտեսութեան, տեղեկատուական ճարտարագիտութեանց եւ այլ ոլորտներու մէջ: Նախագահներու հանդիպումէն յետոյ կայացած մամուլի ասուլիսին Սիսի տեղեկացուցած է, որ օրակարգին վրայ եղած են միջազգային եւ տարածաշրջանային հարցեր:
«Անգամ մը եւս ընդգծած եմ Հարաւային Կովկասի մէջ խաղաղութեան եւ անվտանգութեան ապահովման ուղղուած ջանքերու կարեւորութիւնը եւ յայտնած այդ ջանքերուն մեր աջակցութեան մասին»,- նշած է Եգիպտոսի նախագահը: Ան համոզում յայտնած է, որ Երեւան-Պաքու կարգաւորման գործընթացը կը նպաստէ տարածաշրջանի երկիրներու զարգացման:
Ալիեւն ալ յայտարարած է, որ Հայաստանը եւ Ատրպէյճանը որոշակի յաջողութիւններու հասած են սահմաններու յստակեցման հարցով: «Կը գնահատենք ասիկա որպէս դրական փաստ»,- ընդգծած է Ատրպէյճանի նախագահը:
