13.09c
Երեվան
կրկ, մրտ 16
Օրերս Ախալքալաքի մէջ (ուր ան կը գտնուէր լուսանկարելու առաքելութեամբ) իր մահկանացուն կնքած է Ֆրանսահայ տաղանդաւոր լուսանկարիչ՝ Ռոժէ Գասպարեան։
Այս մասին «Արեւելք» իմացաւ համացանցէն։
Կը նշուի, որ Գասպարեան իր ոսպնեակով յաւերժացուցած է մեծանուն շատ արուեստագէտներ ու գործիչներ՝ Շարլ Ազնաւուր, Էտիթ Փիաֆ, «The Beatles», Պրել, Կենսպուրկ, Հոլիտէյ, «The Rolling Stones» եւ այլք: Յատկապէս առանձնայատուկ էին անոր յարաբերութիւնները Շարլ Ազնաւուրին հետ. լուսանկարիչը վաւերագրած է անոր կեանքը՝ «Ալհամպրա» համերգասրահին մէջ առաջին յաղթական ելոյթէն մինչեւ անոր փառաւոր ասպարէզի հարիւրաւոր այլ դրուագներ:
Գասպարեան իր ունեցած տաղանդին եւ ձեռք ձգած հմտութիւններուն համար կոչուած է ՝ «60-ականներու աչքը»։
