10.09c
Երեվան
հնգ, նմբ 07
Օրերս կայացած է ՀՕՄ-ի Արցախի Միաւորի ընդհանուր ժողովը։
Այս մասին «Արեւելք» տեղեկացաւ «Ազդակ» օրաթերթէն։
Ստորեւ` տրուած հաղորդագրութիւնը։
Հոկտեմբեր 13-ին Երեւանի մէջ կայացաւ ՀՕՄ-ի Արցախի միաւորի անդամակցական 19-րդ Ընդհանուր ժողովը: Առաջին անգամ Արցախի սահմաններէն դուրս կայացած ժողովը լսեց ու քննարկեց միաւորի վարչութեան 15-ամսեայ գործունէութիւնը եւ նախանշեց յառաջիկայ գործունէութեան հիմնական ուղղութիւնները:
Ժողովին ներկայ գտնուեցան` ՀՕՄ-ի Կեդրոնական վարչութեան անդամ Զոյա Քոչարեանը, ՀՕՄ-ի Հայաստանի Շրջանային վարչութեան ատենապետուհի Մարօ Քէշիշեանը, ՀՅԴ Արցախի Կեդրոնական կոմիտէի ներկայացուցիչ Արա Պուլուզեանը: Ժողովը շեշտեց ՀՕՄ-ի միաւորի գործունէութիւնը` իբրեւ արցախցիները միաւորող, անոնց հարցերը եւ կարիքները հասցէագրող արցախեան եզակի կազմակերպութիւններէն մէկը: Ընտրուեցաւ ՀՕՄ-ի Արցախի միաւորի վարչութեան նոր կազմ:
Հայ օգնութեան միութեան Արցախի միաւորի ատենապետուհի վերընտրուեցաւ Մելանիա Բալայեանը:
