12.09c
Երեվան
հնգ, ապր 03
Իսթանպուլի մէջ Միացեալ Նահանգներու գլխաւոր հիւպատոսի նստավայրին մէջ մեկնարկած են դեսպանատուներու աշխատանքին առնչուող հարցերու շուրջ բանակցութիւնները Ռուսիոյ եւ ԱՄՆ-ի ներկայացուցիչներու միջեւ։ Այս մասին յայտնած է «ՌԻԱ Նովոստի»ն։
Աւելի վաղ Միացեալ Նահանգներու գլխաւոր հիւպատոսի նստավայր ռուսական պատուիրակութեան ժամանման լուսանկարներ յայտնուած էին։
Ռուս-ամերիկեան հանդիպումը նուիրուած է երկկողմ յարաբերութիւններու մէջ առկայ խնդիրներուն եւ Մոսկուայի ու Ուաշինկթընի մէջ դեսպանատներու աշխատանքի հետ կապուած հարցերուն։ Ռուսիոյ արտաքին գործոց նախարար Սերկէյ Լաւրովը, յայտարարելով երկխօսութեան մասին, յոյս յայտնած էր, որ հանդիպման արդիւնքներով պարզ պիտի դառնայ` որքանով երկու կողմերը «պիտի կարողանան արագ եւ արդիւնաւէտ առաջ շարժիլ» խնդրայարոյց հարցերու լուծման գործին մէջ։
