-4.91c
Երեվան
չրք, հնվ 28
Իսրայէլեան ռազմական օդանաւերը 26 յունուարի գիշերը օդային հարուածներ հասցուցած են Լիբանանին։ Այս մասին հաղորդած է Լիբանանի ազգային լրատուական գործակալութիւնը (NNA):
Հարուածի տակ յայտնուած են Իքլիմ ալ-Թուֆֆահ շրջանի Աքմաթա-Լոյզիա բարձունքները։ Բացի այդ, առաւօտեան իսրայէլեան ուժերը կրակ բացած են Պլիտա բնակավայրի ծայրամասի ուղղութեամբ։
Asharq al-Awsat թերթը յայտնած է, որ 25 յունուարին Իսրայէլի կողմէ Լիբանանի հարաւային եւ արեւելեան շրջաններու վրայ օդային հարուածներու հետեւանքով երկու մարդ զոհուած է, ուրիշներ՝ վիրաւորուած։ Թերթը աւելցուցած է, որ «Հըզպալլա»-ն կը շարունակէ քննադատել նախագահական գրասենեակը եւ կառավարութիւնը Իսրայէլի յարձակումը դիմակայելու եւ հիմնական խնդիրները լուծելու «ձախողման» համար։ Խօսքը, մասնաւորապէս, լիբանանցի բանտարկեալներու հարցի, տարածքային խախտումներու դադրեցման եւ ազգային ինքնիշխանութեան պաշտպանութեան մասին է:
Իսրայէլի պաշտպանութեան բանակը իր հերթին 25 յունուարին յայտարարած է, որ հարուածած է Լիբանանի քանի մը շրջանի մէջ գտնուող «Հըզպալլա»-ի ենթակառուցուածքներու կառոյցները։ Նշուած է, որ հարուածները թիրախաւորած են «Հըզպալլա»-ի զէնքի պահեստները եւ ռազմական ենթակառուցուածքները։ Բացի այդ, հարուածներ ուղղուած են «Հըզպալլա»-ի Ռատուան ուժերու կողմէ Իսրայէլի պաշտպանութեան բանակի զօրքերու եւ Իսրայէլի Պետութեան դէմ յարձակումներ իրականացնելու համար օգտագործուող կայանին մէջ գտնուող ռազմական կառոյցին։
