12.09c
Երեվան
կրկ, փտր 22
Հայաստանի պետական պարտքն այսօրուան դրութեամբ կը կազմէ 10 միլիառ 637 միլիոն տոլար կամ 4 թրիլիոն 186 միլիոն դրամ։ Այս մասին ՀՀ Ազգային Ժողովի ֆինանսավարկային եւ պիւտճէթային հարցերու մշտական յանձնաժողովի նիստին 2022-ի պիւտճէի կատարողականի մասին հաշուետւութեան քննարկման ժամանակ ըսած է ՀՀ ելեւմուտի նախարար Վահէ Յովհաննիսեանը։
«Եթէ մենք չէզոքացնենք դրամի արժէզրկման գործօնը, մեր պարտքը կը կազմի մօտ 53 տոկոս»,- նշած է Յովհաննիսեանը։
Ըստ անոր` Համախառն ներքին արժէքի հետ պետական պարտքի յարաբերակցութիւնը կը նախատեսուէր 58,4 տոկոսի մակարդակին, սակայն իջած է 46,7 տոկոսի։
Տարեսկիզբին ՀՀ ելեւմուտի նախարարութեան տուեալներու համաձայն` 2022 թուականի դեկտեմբերի վերջի դրութեամբ Հայաստանի պետական պարտքը կազմած էր 10 միլիառ 638 միլիոն տոլար: Մէկ տարուան մէջ այն աճած է 15,3%-ով կամ 1 միլիառ 412 միլիոն տոլարով: Պետական պարտքը աճած է ներքին պարտքի հաշուոյն:
Տարեվերջին ներքին պետական պարտքը կազմած է մօտ 4 միլիառ 189 միլիոն տոլար՝ տարուան ընթացքին աւելնալով մօտ 1 միլիառ 610 միլիոն տոլարով կամ 62,5%-ով:
